O‘zbekiston Respublikasi Prezidenti raisligida joriy yil 7-aprel kuni o‘tkazilgan videoselektor yig‘ilishida belgilangan topshiriqlar ijrosini ta’minlash maqsadida O‘zbekiston Milliy Olimpiya qo‘mitasi huzuridagi Respublika sport tibbiyoti ilmiy-amaliy markazi hamda Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazi o‘rtasida hamkorlik memorandumi imzolandi.
Memorandum doirasida sportchilar salomatligini muhofaza qilish, yuqumli kasalliklarning oldini olish, zamonaviy diagnostika va ilmiy-amaliy hamkorlikni rivojlantirish bo‘yicha qo‘shma loyihalarni amalga oshirish ko‘zda tutilgan. Tashrif davomida markaz direktori Botir Tojiyev Respublika sport tibbiyoti ilmiy-amaliy markazida yaratilgan sharoitlar, davolash va reabilitatsiya imkoniyatlari hamda zamonaviy tibbiy uskunalar faoliyati bilan yaqindan tanishdi.
